ट्रम्पको विजयसँगै सुनको भाउमा गिरावट, तोलामा चार हजार घट्यो

काठमाडौं ।आज सुनको भाउ प्रतितोला चार हजार रुपैयाँ घटेको छ । नेपाल सुनचाँदी व्यवसायी महासंघका अनुसार आज सुनको भाउ प्रतितोला एक लाख ६४ हजार ५०० रुपैयाँ निर्धारण गरिएको छ ।

हिजो सुनको भाउ नेपालमा प्रतितोला एक लाख ६८ हजार ५०० रुपैयाँ थियो । आज चाँदीको भाउ पनि घटेको छ । हिजो प्रतितोला दुई हजार १५ रुपैयाँ रहेको चाँदीको भाउ आज एक हजार ९६० मा झरेको छ ।

अमेरिकी राष्ट्रपतीय निर्वाचनमा रिपब्लिकन उम्मेदवार डोनल्ड ट्रप निर्वाचित भएको भोलिपल्ट सुनको भाउ घटेको हो । अन्तर्राष्ट्रिय बजारमा अमेरिकी डलर मजबुत भएकाले सुनचाँदीको मूल्यमा उच्च कमी आएको बताइन्छ ।