भक्तपुरमा खुट्टा बाँधिएको अवस्थामा महिला मृत फेला

काठमाडौँ । भक्तपुर नगरपालिका वडा नम्बर–३ स्थित दरबार स्क्वायरमा महिला मृत भेटिएकी छन् । ९४ वर्षीया विष्णु कुमाारी त्वयनाको खुट्टा बाँधिएको अवस्थामा शव भेटिएको जिल्ला प्रहरी परिसर भक्तपुरका डीएसपी ढुण्डीराज नेउपानेले रातोपाटीलाई बताए ।

त्वयना आफ्नै घरको चौथो तलामा मृत भेटिएकी हुन् । उनको दुवै खुट्टा बाँधिएको हुनाले हत्या भएको प्रहरीको आशङ्का छ ।

नेपाल प्रहरी केनाइन कार्यालयबाट तालिमप्राप्त कुकुरको सहयोगमा अनुसन्धान सुरु गरिएको डीएसपी नेउपानेले जानकारी दिए । शव पोस्टमार्टमका लागी दुवाकोट स्थित नेपाल मेडिकल कलेजमा पठाइएको छ ।