चितवनमा गैडाको आक्रमणबाट एक बृद्ध घाइते

हेटौंडा । चितवनको रत्ननगर नगरपालिका–४ घोलखेतमा स्थित एक वृद्ध किसानमाथि गैडाको आक्रमणबाट घाइते भएका छन् ।

घाइते हुनेमा रत्ननगर नगरपालिका–४ का स्थानीय ७६ वर्षीय रामचन्द्र तिवारी रहेको बागमती प्रदेश प्रहरी कार्यालय हेटौंडाले जानकारी दिएको छ । सोमबार ( हिजो ) तिवारी आफ्नै खेतमा धान टिप्न जाँदा गैडाले पछाडिबाट आक्रमण गरेको थियो।

प्रहरीका अनुसार, आक्रमण परी तिवारीको ढाडका दुई हड्डी भाँचिएको छ । घाइते तिवारीलाई उपचारका लागि सोही दिन भरतपुर सरकारी अस्पतालमा ल्याइएको प्रहरीले जनाएको छ ।