भैसेबाट १६० किलो गाँजासहित एक जना पक्राउ

हेटौंडा । भीमफेदी गाउँपालिका–२ स्थीत भैसे चेक पोईन्टबाट प्रहरीले १ सय ६० किलो लागुऔषध गाँजा सहित १ जनालाई पक्राउ गरेको छ।

पक्राउ पर्नेमा गोरखाको भिमशेन गाँउपालिका वडा नम्बर ६ बस्ने २८ वर्षका अमिर मियाँलाई रहेका छन् । हिजो बुधबार प्रहरी चौकी भैसेबाट खटिएको प्रहरी टोलीले भीमफेदी गाउँपालिका–२ भैंसे चेक प्वाईन्टस्थित सडकखण्डमा पालुङ्बाट हेटौंडातर्फ आउँदै गरेको प्रदेश नं.३–०१–०२३ च ८०४७ नम्बरको बोलेरो गाडीलाई रोकी चेकजाँच गर्ने क्रममा गाडीको पछाडी ढालाको भागमा खाली क्रेट मुनी लुकाई छिपाई ल्याईएको अवस्थामा १६० किलो लागूऔषध गाँजा फेला पारेको जिल्ला प्रहरी कार्यालय मकवानपुरले जानकारी दिएको छ ।

बोलेरो गाडी सहित निज अमिर मियाँलाई मकवानपुर जिल्ला अदालत हेटौडाबाट ४ दिनको म्याद अनुमती लिई थप अनुसन्धान कार्य भईरहेको प्रहरीले जनाएको छ ।