हेटौंडा–१२ मा मतदान जारी, ४ हजार २ सय भन्दा धेरै मत खस्यो

मकवानपुर । हेटौंडा–१२ को उपनिर्वाचनमा हालसम्म ४ हजार २ सय बढी मत खसेको छ। हेटौंडा उपमहानगरपालिका–१२ को वडाअध्यक्ष पदमा भैरहेको मतदानमा हालसम्म ४ हजार २ सयभन्दा धेरै मत खसेको मुख्य निर्वाचन अधिकृतको कार्यालयले जनाएको छ। हेटौंडा– १२ को अध्यक्षका लागि १२ जना उम्मेदवार प्रतिस्पर्धामा छन्। यहाँ आज ८ हजार ५३ जना मतदाता रहेका छन् । जसमा ३ हजार ८७८ पुरुष, ४ हजार १७४ महिला र अन्य १ जना मतदाता छन्।

पालिकाका रिक्त विभिन्न ४१ पदका लागि अहिले देशका विभिन्न स्थानमा मतदान भइरहेको छ ।