आजबाट नयाँ वर्ष सुरु

मकवानपुर । आजबाट विक्रम संवत् २०७८ साल सुरु भएको छ । आज वैशाख १ गते नयाँ वर्षको दिन हो । आजको दिन विश्वभरका नेपालीले नयाँ वर्ष मनाउँदैछन् । एकापसमा शुभकामना आदान प्रदान गर्दै नेपालीहरुले नयाँ वर्ष मनाउँदैछन् ।
आजका दिनलाई विश्वका जुनसुकै कुनामा बस्ने नेपालीले उत्सवका रुपमा लिने गर्छन् । गत वर्ष गरेका कामको सफलता,असफलताबारे आगामी दिनमा गलत दोहोरिन नदिने तथा राम्रो गर्ने प्रण गर्ने दिनका रुपमा लिइन्छ ।
यो पटकको नयाँ वर्षलाई पनि कोरोनाले प्रभाव पारेको छ । गत वर्षको नयाँ वर्ष पनि कोरोनाको कारण घरमै बसेर मनाइएको थियो । नयाँ वर्षका अवसरमा आजका लागि सरकारले सार्वजनिक बिदा दिएको छ ।
नयाँ वर्षका दिन प्रधानमन्त्री केपी शर्मा ओलीले मंगलबार आज विहान ८ बजे देशबासीका नाममा सम्बोधन गर्ने तयारी छ ।