हेटौंडा उपमहानगरमा अर्को दुखद् घटना, ट्रकको ठक्करबाट पुडासैनीको मृत्यु

मकवानपुर । मकवानपुरको हेटौंडा उपमहानगरपालिकाभित्र केही दिन यता दुखद् घटनाका खबर छन् ।

देउशी खेल्दै गर्दा बसको ठक्करबाट दुई जनाको गएको घटना ताजै रहँदा सोमबार करेन्ट लागेर एक युवाको मृत्यु भयो ।
आज बुधबार फेरि अर्को दुःखद् खबर छ । मकवानपुरको हेटौंडा उपमहानगरपालिका वडा नम्बर ११, नवलपुरमा ट्रकको ठक्करबाट मोटरसाइकलमा यात्रा गरिरहेका एक २० वर्षिय युवकको ज्यान गएको छ ।

हेटौंडाबाट मनहरीतर्फ जाँदै गरेको बागमती प्रदेश ३००४ प ७१९१ नम्बरको मोटरसाइकललाई ना ७ ख ८८१ नम्बरको लहरी ट्रकले विहान साँढे ६ बजे दिएपछि हेटौंडा उपमहानगरपालिका वडा नम्बर १२ का २० वर्षिय सुशान्त पुडासैनीको घटनास्थलमै मृत्यु भएको हो ।

जिल्ला प्रहरी कार्यालय मकवानपुरका प्रहरी नायव उपरिक्षक जयश्वर रिमालका अनुसार ट्रकको ठक्करबाट ठक्कर दिने ट्रकका चालक लमजुङ घर भएका बर्ष ४९ का पूर्णबहादुर भुजेललाई प्रहरीले नियन्त्रणमा लिएको छ । प्रहरीका अनुसार घटनाका विषयमा आवश्यक अनुसन्धान भइरहेको छ ।