एकीकृत समाजवादीको जनवर्गीय संगठनले भोलि हेटौंडामा एमसीसीविरुद्द प्रदर्शन गर्ने

मकवानपुर । मकवानपुरको हेटौंडामा भोलि आइतबार एमसीसी विरुद्द प्रदर्शनको तयारी गरिएको छ ।

नेकपा एकीकृत समाजवादीमा आबद्द जनवर्गीय संगठनहरुको आयोजनामा मकवानपुरको प्रदर्शन गरिने भएको हो ।

मध्यान्ह १२ बजे हेटौंडाको शितलमहलचोकबाट सुरु हुने प्रदर्शन बुद्दचोक हुँदै सिमाचोकमा फर्किएर सभामा परिणत गर्ने आयोजकको तयारी छ । पार्टीको जनवर्गीय संगठनहरुको आयोजनामा देशैभर हुने एमसीसीको विरोध कार्यक्रम अन्तर्गत हेटौंडामा पनि कार्यक्रम गर्न लागिएको एकीकृत समाजवादी मकवानपुरका अध्यक्ष श्रीधर पाख्रेलले जानकारी दिए ।

एमसीसी परियोजना राष्ट्रघाती हुने भएकाले नेपालमा यो कार्यान्वयन नगर्न दबाब दिने उद्देश्यले विरोधको कार्यक्रम राखिएको अध्यक्ष पोख्रेलको भनाई छ।

विरोध प्रर्दशन तयारीका विषयमा पार्टीका जनवर्गीय संगठनका नेतृत्वका बीचमा आज शनिबार आवश्यक छलफल समेत भएको छ ।
विरोध प्रर्दशनमा सहभागी हुनका लागि एकीकृत समाजवादी मकवानपुरले आम सर्वसाधारण, नागरिक समाज, बुद्दजिवी, पत्रकार, युवा, विद्यार्थी लगायत राष्ट्रहित चाहने सरोकारवालालाई आग्रह गरेको छ ।