रुखले किच्दा एक वृद्धको मृत्यु

इलाम । इलाम माइ नगरपालिका ५ धोबिखोलामा सुतिरहेकै ठाउँमा रुखले किच्दा एक वृद्धको मृत्यु भएको छ । हावाहुरीका कारण घर नजिकै रहेको सखुवाको रुख ढलेर किच्दा ८२ वर्षीय प्रेमबहादुर आङदम्बे लिम्बुको मृत्यु भएको जिल्ला प्रहरी कार्यालयले जनाएको छ ।

प्रहरीका अनुसार उनी जंगल नजिकै टिनको छाप्रोमा बस्दै आएका थिए । आइतवार सबेरै रुख ढलेर घरमै सुतिरहेका लिम्बुलाई किचेको थियो । उनको घटनास्थलमै मृत्यु भएको प्रहरीले जनाएको छ । रुखले किच्दा उनको घर पनि पूर्ण रूपमा क्षतिग्रस्त बनेको छ ।