महोत्तरीको बर्दिबास बजारको एक जिम हलमा आगलागी

महोत्तरी । महोत्तरीको बर्दिबास बजारको एक घरमा आगलागी भएको छ ।
सोमबार दिउँसो एक घरको तेस्रो तलामा रहेको ३६५ जिम हलमा आगलागी भएको इलाका प्रहरी कार्यालयले जनाएको छ।

आगलागी अहिले ९५ प्रतिशत नियन्त्रणमा आइसकेको प्रहरी नायब उपरीक्षक रबि रावलले जानकारी दिए।

‘अहिले कसरी आगलागी भएको हो भन्ने हेर्न भ्याइसकेको छैन। हामी नियन्त्रणमा लिने काम गरिरहेका छौं,’ उनले भने।

थप विवरण आउन बाँकी छ। आगलागी भएको भवनको दोस्रो तलामा सिद्धार्थ बै‌ंक पनि छ।