बर्दिबासमा आगलागी : ९० लाख बराबरको क्षति

महोत्तरी ।महोत्तरीको बर्दिबासमा रहेको एक जिम सेन्टरमा आगलागी भएको छ । बर्दिवास-१ स्थित बजार क्षेत्रमा अभिषेक झाले सञ्चालन गरेका ३६५ फिटनेस सेन्टरमा विद्युत् सर्ट भएर आगो लागेको प्रहरीले जनाएको छ ।

सिद्धार्थ बैंकको माथिल्लो तलामा रहेको जिम सेन्टरमा लागेको आगो सशस्त्र प्रहरी, वारुणयन्त्र र स्थानीयको सहयोगमा नियन्त्रणमा आइसकेको इलाका कार्यालय बर्दिबासका डीएसपी रवि रावलले जानकारी दिए । आगलागीबाट करिब ९० लाख बराबरको क्षति भएको प्रहरीले जनाएको छ ।

दिउँसो २:१५ बजे लागेको आगो २:५० मै नियन्त्रणमा आएपछि थप क्षति नभएको रावलले बताए । आगो लागेको तल्लो तलामा सिद्धार्थ बैंक र वल्लो पल्लो घरमा अन्य २ वटा बैंक जोडिएकै भए पनि बैंकमा आगोले क्षति नभएकफ रावलले बताए ।