बझाङमा छोराछोरीसहित आमा झुन्डिएको अवस्थामा भेटियो

बझाङ । बझाङमा एकै परिवारका तीनजना झुन्डिएको अवस्थामा भेटिएका छन् । जिल्लाको बुङ्गल नगरपालिका-९ रारुमा पुष्कर पार्कीकी श्रीमती र उनका दुई जना छोराछोरी मृत फेला परेका हुन् ।

बझाङका निमित्त प्रमुख, प्रहरी निरीक्षक रमेश अवस्थीका अनुसार मृत भेटिनेमा पार्कीकी श्रीमती २२ वर्षीया गीता पार्की, पाँच वर्षीया छोरी भूमिका र तीन वर्षीय छोरा मोहित छन् ।

उनीहरु घरभन्दा डेढ सय मिटर परको बेडुँको रुखमा झुन्डिएको अवस्थामा मृत फेला परेको हो । पुष्करलाई प्रहरीले नियन्त्रणमा लिएको छ । घटनाको अनुसन्धान भैरहेको छ ।