मकवानपुरमा अवैधरुपमा ओसार पसार भईरहेको एक सय २० किलोग्राम गाँजा फेला

मकवानपुर । मकवानपुर प्रहरीले शुक्रबार राति एक सय २० किलोग्राम लागुऔषध गाँजा फेला पारेको छ । १० बजेको समयमा राक्सिराङ गाउँपालिका–५ पेन्चे डाँडाको जंगलबाट अवैधरुपमा ओसार पसार भईरहेको भन्ने सूचनाको आधारमा ईलाका प्रहरी कार्यालय मनहरीबाट खटिएको प्रहरी टोलीले लागुऔषध गाँजा फेला पारेको हो ।

प्रहरीले जंगलमा अपरिचित व्यक्तिहरुले लुकाई राखेको गाँजाको ६ वटा प्लास्टिकको बोरा फेला पारेको हो । गाँजालाई नियन्त्रणमा लिई अनुसन्धान भई रहेको जिल्ला प्रहरी कार्यालय मकवानपुरले जनाएको छ ।