हेटौंडाबाट लागूऔषध वीनरेक्ससहित २ जना पक्राउ

मकवानपुर । हेटौंडा उपमहानगरपालिका वडा नम्बर १ जरुवाटोलबाट प्रहरीले लागूऔषधसहित २ जनालाई नियन्त्रणमा लिएको छ । मंगलबार हेटौंडा १ को भित्री एरियामा खटिएको प्रहरी गस्ती टोलीले सर्लाही जिल्लाबाट आएको बा।१८ च ६६०६ नं।को स्कारपियोसँगै प्रदेश ३९०२९००६ प ८०४१ नं।को स्कुटीको सुरक्षा जाँच गर्दा लागूऔषध वीनरेक्स फेला पारेको हो ।

स्कुटी रोकी बसेको अबस्थामा सामान झारेको देखेपछी गस्ती टोलीले सोधपुछ गर्न खोज्दा स्कुटी चालक भागेकोले तत्काल जिल्ला प्रहरी कार्यालयबाट विशेष टोली खटिएको थियो । दुबै सवारी, स्कारपियो चालक सर्लाही बरहथवा नगरपालिका–१६ बस्ने अन्दाजी २६ वर्षीयको पप्पु कुमार कुशहवा र सोही स्थानमा उभी रहेका हेटौंडा १ चौकीटोल बस्ने अन्दाजी १९ वर्षीयको निकेश पुडासैनीलाई प्रहरीले नियन्त्रणमा लिएको छ ।

गाडीबाट झारेको सामान सुरक्षा जाचँ गर्दा प्रहरीले लागूऔषध वीनरेक्स १ सय ५८ बोतल ९प्रती बोतल १०० एमएल० फेला पारेको थियो । सवारीसहित कुशहवा र पुडासैनीलाई आवश्यक अनुसन्धान तथा सोधपुछको लागी जिल्ला प्रहरी कार्यालय मकवानपुर ल्याईएको छ । स्कुटी चालकको भने खोज तलास जारी रहेको प्रहरीले जनाएको छ ।