स्नातकोत्तर उत्तीर्ण महिलालाई सम्मान

पाल्पा । पाल्पाको निस्दी गाउँपालिकाले स्नातकोत्तर उत्तीर्ण महिलाहरूलाई सम्मान गरेको छ । ११३ औँ अन्तर्राष्ट्रिय नारी दिवसको अवसरमा गाउँपालिका भित्र रहेका विभिन्न विषयमा स्नातकोत्तर उत्तीर्ण गरेका १० जना महिलाहरूलाई सम्मान गरेको हो ।

सम्मानित व्यक्तित्वहरूलाई नगद ५ हजार रुपैयाँ, दोसल्ला र सम्मान पत्रले सम्मान गरेको प्रमुख प्रशासकीय अधिकृत ध्रुव दयालले बताए । कार्यक्रममा महिला उत्थान अभियन्ता गीता पाण्डेले सामाजिक विकासमा महिलाहरूको भूमिका महत्त्वपूर्ण रहने बताइन् । महिलाहरूको हक र अधिकार प्राप्त गर्नका महिला आन्दोलनका उपलब्धिहरूलाई बिर्सन नहुने बताउँदै पाण्डेले राजनीतिक चेतना समेत हुनुपर्नेमा जोड दिइन् ।

गाउँपालिकाका उपाध्यक्ष तिरनकुमारी श्रेष्ठले आपसी सहकार्य गरी गाउँ, समाजको विकास लाग्न सुझाव दिइन् । कार्यक्रममा गाउँपालिका प्रवक्ता तथा वडा नम्बर–६,अर्चलेका वडाध्यक्ष मेख बहादुर सुनारी, वडा नम्बर–३, झिरुबासका वडाध्यक्ष नवीन्द्र थापा सोती, कार्यपालिका सदस्य मिम्श्री बयम्बु, सम्मानित व्यक्तित्व विष्णु राना लगायतकाले धारणा राखेका थिए ।