ओखलढुंगाबाट काठमाडौंका लागि छुटेको बस सिन्धुलीमा दुर्घटना, ५ जनाको मृत्यु

काठमाडौं । सिन्धुलीमा बस दुर्घटना हुँदा ५ जनाको मृत्यु भएको छ । ओखलढुंगाबाट काठमाडौंका लागि छुटेको बा २ खा ६५९६ नम्बरको बस दुर्घटना हुँदा ५ जनाको घटनास्थलमै मृत्यु भएको हो । २४ जना घाइते भएका छन्।

सिन्धुलीको फिक्कल गाउँपालिका–४ कुहिभिरमा बस दुर्घटना हुँदा २ महिला, २ पुरुष र १ बच्चाको मृत्यु भएको जिल्ला प्रहरी कार्यालय सिन्धुलीका एसपी राजकुमार सिलवालले बताए । मृतक तथा घाइतेको नाम भने खुलेको छैन।

यात्रुबाहक बस भित्तामा ठोक्किएर दुर्घटना भएको हो। अहिले उद्धारको काम भइरहेको र घाइतेहरूलाई उपचारका लागि काठमाडौं पठाउने तयारी भएको सिलवालले बताए।