चुरियामाई मन्दिर परिसरमा एक शव फेला

हेटौंडा । मकवानपुरको हेटौंडा उपमहानगरपालिका–१५, चुरियामाई मन्दिर परिसरमा एक जनाको शव फेला परेको छ ।

शनिबार चुरियामाई मन्दिर छेउको सिढीमा हाल नामथर वतन नखुलेको अन्दाजी ५५/६० वर्षीय पुरुषको शव फेला परेको प्रहरीले जनाएको छ ।

प्रहरीका अनुसार ती पुरुष लामो समयदेखि मन्दिरमा बस्दै गरेको जोगी रहेका छन् ।

मृतकको शवलाई पोष्टमार्टमका लागि अस्पताल ल्याइएको र घटनाबारे थप अनुसन्धान भइरहेको बागमती प्रदेश प्रहरी कार्यालय हेटौंडाले जनाएको छ ।