मनहरीमा यात्रुबहाक बस दुर्घटना, १४ जना घाइते

मकवानपुर ।  मकवानपुरको मनहरी गाउँपालिका वडा नम्बर ६ डिपार्टमा यात्रुबहाक बस दुर्घटना हुँदा १४ जना घाइते भएका छन् ।

आज दिउँसो ३ः४५ बजे काठमाडौंबाट हेटौंडा आउँदै गरेको बा ७ ख १३२६ नम्बरको बस आफै अनियन्त्रित भएर दुर्घटनामा परेको प्रहरीले जनाएको छ ।

इलाका प्रहरी कार्यालय मनहरीका अनुसार सवारी चालकसहित १४ जना घाइतेहरुलाई उपचारको लागि चितवन पठाइएको छ ।

दुर्घटनामा एकजना गम्भीर घाइते रहेको प्रहरीले जनाएको छ ।