आगलागी हुँदा एक घर जलेर नष्ट
पालिका संचारकर्मी ६ चैत्र २०७९, सोमबार १४:२३
मकवानपुर । मकवानपुरको बकैया गाउँपालिका-७ घमनटोलको एक घरमा आगलागी हुँदा घर जलेर नष्ट भएको छ ।
शनिबार राति स्थानीय ६२ वर्षीय बलबहादुर राईको कच्ची घरमा टुकी बत्तिबाट आगलागी हुँदा घर जलेर नष्ट भएको बागमती प्रदेश प्रहरी कार्यालयले जनाएको छ ।
आगलागीबाट कुनै मानवीय क्षति नभएको तर घरमा भएको नगद, अन्नपात, लत्ताकपडा र एकवटा बाख्रा जलेर नष्ट भएको प्रहरीले जनाएको छ ।
आगलागीबाट करिब एक लाख ५० हजार बराबरको क्षति भएको प्रहरीले जनाएको छ ।
